Գործընթացներ

Բոլոր գործընթացները

Հարթակի մասին Առաջարկներ Քարտեզ ՀՏՀ Մուտք Գրանցվել

Մասնակցե՛ք Վաղարշապատ համայնքի զարգացմանը - Բյուջե 2025

Ընթացիկ փուլ՝

Նախաձեռնող
ՎԱՂԱՐՇԱՊԱՏԻ ՀԱՄԱՅՆՔԱՊԵՏԱՐԱՆ

Ejm1.jpg

Վաղարշապատ համայնքի հարգելի՛ բնակիչներ

Մասնակցային կառավարման մակարդակի բարձրացման, ինչպես նաև համայնքում որոշումների կայացման վրա բնակչի ունեցած ազդեցության աճի նպատակներով Վաղարշապատի համայնքապետարանը մեկնարկում է մասնակցային բյուջետավորման գործընթաց։ Այս նպատակով Վաղարշապատ համայնքի ավագանու՝ 30 ապրիլի 2025 թվականի N 49-Ա որոշմամբ նախատեսել է 5 000 000 (հինգ միլիոն) ՀՀ դրամ գումար։

Վաղարշապատ համայնքի ղեկավարի՝ 2025 թվականի հուլիսի 30-ի թիվ 806-Ա որոշմամբ ստեղծվել է բյուջետավորման գործընթացի կառավարման հանձնաժողով, հաստատվել են վերջինիս լիազորությունները, աշխատակարգը, առաջարկ-նախագծերի ներկայացման հայտի և նախնական գնահատման աղյուսակի ձևաթղթերը, ինչպես նաև մասնակցային բյուջետավորման գործընթացի իրականացման ժամանակացույցը։

Վաղարշապատ համայնքի բնակիչները այսուհետ հնարավորություն կունենան ներկայացնելու համայնքին առնչվող գաղափարներ ու ծրագրեր, որոնք կդիտարկվեն, կքննարկվեն, իրենց իսկ կողմից քվեարկությամբ կընտրվեն և իրականացման հնարավորություն կստանան:

Վաղարշապատի համայնքապետարանը նախաձեռնել է այս գործընթացը քաղաքացիների հետ առավել արդյունավետ և սերտ կապն ապահովելու և մասնակցային կառավարում իրականացնելու նպատակով:

Մասնակցային բյուջետավորման ծրագրային հայտի լրացման վերջնաժամկետ է սահմանվում
ս/թ սեպտեմբերի 7-ը ժ. 18:00 ներառյալ:

Առնչվող փաստաթղթեր

	(4.77 Մբ)
	(1.53 Մբ)

Հաղթած առաջարկների իրագործում (22/09/2025-05/12/2025)

24/07/2025-31/12/2025

Ընթացքում է

01/09/2025 09:00-07/09/2025 18:00

Առաջարկների ընդունում

08/09/2025-09/09/2025

Հրապարակվող առաջարկների ընտրում, հանրային քննարկում

10/09/2025 09:00-15/09/2025 16:00

Հրապարակված առաջարկների քվեարկություն

15/09/2020-15/09/2025

Հաղթող առաջարկների բացահայտում

22/09/2025-05/12/2025

Հաղթած առաջարկների իրագործման պլանավորում

22/09/2025-05/12/2025

Հաղթած առաջարկների իրագործում

08/12/2025-26/12/2025

Գործընթացի արդյունքների ներկայացում

ShowTimeTable

ProcessTable

Հաշվետվություններ

Հաշվետվություն իրազեկման 1-ին փուլի մասին

Հաշվետվություն իրազեկման 2-րդ փուլի մասին

2025 ԹՎԱԿԱՆԻՆ ՄԱՍՆԱԿՑԱՅԻՆ ԲՅՈՒՋԵՏԱՎՈՐՄԱՆ ԳՈՐԾԸՆԹԱՑԻ ՆԱԽՆԱԿԱՆ ԳՆԱՀԱՏՄԱՆ ՓՈՒԼ

2025 ԹՎԱԿԱՆԻՆ ՄԱՍՆԱԿՑԱՅԻՆ ԲՅՈՒՋԵՏԱՎՈՐՄԱՆ ԳՈՐԾԸՆԹԱՑԻ ՀԱՆՐԱՅԻՆ ՔՆՆԱՐԿՄԱՆ ՓՈՒԼ

ՎԱՂԱՐՇԱՊԱՏ ՀԱՄԱՅՆՔՈՒՄ 2025 ԹՎԱԿԱՆԻՆ ՄԱՍՆԱԿՑԱՅԻՆ ԲՅՈՒՋԵՏԱՎՈՐՄԱՆ ՔՎԵԱՐԿՈՒԹՅԱՆ ՓՈՒԼԻ ԱՄՓՈՓՈՒՄ

Արդյունքներ

Առաջարկներ

«Վաղարշապատի զբոսաշրջային միջավայրի բարելավման ծրագիր» ԿԱՐԻՆԵ ԱՐՍԵՆՅԱՆ 09 սեպտեմբեր 2025 Նկարագրություն․ Ծրագիրը նախատեսում է Վաղարշապատում զբոսաշրջային միջավայրի արդիականացում․ նոր ուղղորդող և տեղեկատվական ցուցանակների տեղադրում, հին ցուցանակների վերանորոգում, տեղեկատվական ուղեցույցեր՝ տեսարժան վայրերի մասին, առցանց հարթակում տեղեկատվական վեբ կայքի ստեղծում, նշանավոր արձանների մոտ բազմալեզու աուդիոQR-ների տեղադրում, որի միջոցով կարող ենք տեսնել և լսել տվյալ հեղինակի ստեղծագործությունները, նաև քաղաքային տարածքների գունավորում(streetart)։ Բացի այդ, ծրագիրը ներառում է քաղաքի զբոսաշրջային բրենդավորում և տեղեկատվական նյութերի ստեղծում՝ այցելուների փորձառությունը բարելավելու և քաղաքի միջազգային տեսանելիությունը բարձրացնելու համար։ Վաղարշապատը Հայաստանի կարևորագույն մշակութային ու կրոնական կենտրոններից է, սակայն․ 1. քաղաքում առկա են հին և մաշված ցուցանակներ, որոնք հաճախ անարդյունավետ են զբոսաշրջիկների համար, 2. բացակայում են ժամանակակից, բազմալեզու տեղեկատվական և ուղղորդող միջոցները 3. քաղաքային միջավայրը բավարար չափով գրավիչ չէ երիտասարդների և զբոսաշրջիկների համար։ Այս խնդիրները սահմանափակում են զբոսաշրջային հոսքի լիարժեք փորձառությունը և նվազեցնում քաղաքի միջազգային մրցունակությունը։ 1.Քաղաքի զբոսաշրջիկների համար տեղաշարժն ու կողմնորոշումը կդառնա ավելի հեշտ ու հարմար։ 2. Վաղարշապատը կստանա ժամանակակից և գունավոր զբոսաշրջային միջավայր։ 3. Տեղի երիտասարդներն ու արվեստագետները կներգրավվեն համայնքային զարգացման գործընթացում։ 4. Զբոսաշրջիկների փորձառությունը կբարելավվի, ինչը կարող է նպաստել հոսքի և համայնքի եկամուտների աճին։ Արդյունքում կձևավորվի Վաղարշապատի նոր քաղաքային բրենդ՝ որպես «հինավուրց ու ժամանակակից» զբոսաշրջային քաղաք։ Անհրաժեշտ են՝ 1. նոր ցուցանակների տեղադրում (մոտ 25–30 հատ), 2. սթրիթ-արտ նախագծեր և մուրալներ, 3. բրենդավորում, ուղեցույցների, քարտեզների և QR կոդերի ներդրում 4. Մարդկային ռեսուրսներ․ համայնքի և նախարարության աջակցություն, տեղական նկարիչներ, երիտասարդ կամավորներ 5. Տեխնիկական ռեսուրսներ․ դիզայնի, տպագրության, շինարարության և թվային տեխնոլոգիաների ծառայություններ։

2 33

Զբոսաշրջություն

Բացօթյա կինոթատրոն-գրադարան ՄԵՐՈՒԺԱՆ ԳՆԴԼՅԱՆ 09 սեպտեմբեր 2025 Վաղարշապատի համայնքապետարանի հարակից այգու որոշակի հատվածում առաջարկվում է ստեղծել բացօթյա գրադարան, փոքրիկ տնակի տեսքով, որտեղ կտեղավորվեն մինչև 3 տասնյակ գրքեր և հնարավոր կլինի վերցնել գիրքը և ընթերցել այգում։ Կահավորանքը ենթադրվում է, որ պետք է լինի հարմարավետ գիրք ընթերցելու համար։ Նախընտրելի է, որ լինեն հարմարավետ նստարաններ, վառ լուսավորություն, որ ընթերցողը օրվա տարբեր ժամերի կարողանա գիրք ընթերցել։ Քանի որ այն բաց գրադարանի ձևաչափով է, ուստի ցանկացած քաղաքացի կարող է օգտվել այդ գրադարանից` պայմանով, որ տեղում ընթերցելուց հետո, անհրաժեշտ է գիրքը տեղավորել նույն այդ գրադարանում, քանի որ այն հանրային սեփականություն է հանդիսանալու։ Սկզբնական շրջանում վերահսկողություն սահմանելու համար անհրաժեշտ կլինի, որ տարածքում կամերաներ լինեն, որպեսզի գույքի, տարածքի ռեսուրսների պահպանության համար որոշակի ապահովություն լինի, իսկ հետագայում բնակչության դրական մոտեցումները, գործողությունները հաշվի առնելով կարելի է վերահսկողությունը թուլացնել։ Բացօթյա միջոցառումների, Ֆիլմի դիտումների համար առանձնացվի տարածք, որտեղ կարող է լինել փոքրիկ բեմ, մինչև 50_60 մասնակցի համար նախատեսված նստելու հարմարանքներ, տեխնիկական միջոցներ։ Քանի որ ցանկություն կա տարվա բոլոր եղանակներին էլ օգտվել այդ տարածքի հնարավորություններից, ուստի սա հաշվի առնելով անհրաժեշտ է ռեսուրսների մեծ մասն այնպիսի չափանիշներով ձեռք բերել, որպեսզի գրեթե միշտ տեղադրված լինեն այդ նույն տարածքում և անընդհատ չտեղաշարժվեն ու առաջացնեն լրացուցիչ փակ տարածքում դրանք տեղակայելու անհրաժեշտություն։ Նախատեսվում է ունենալ էկրան` ֆիլմերի դիտման համար, իր տեխնիկական բոլոր միջոցներով։Էկրանի տեղակայման հատվածը նախընտրելի կլինի, որ փակ լինի։ Այդ փակ հատվածում էլ կարող է լինել բեմը։ Կահավորանքը` նստելու հատվածը պետք է լինի այնպես, որ ուղղված լինի դեպի բեմը, կարող է շրջանաձև լինել կամ կիսալուսնաձև։ Տարածքում որպես զարդարանք կարող է լինել գեղեցիկ լուսավորություն։ Նաև նախատեսվում է ,որ շրջակա տարածքում լինեն թափոնամաններ՝ նախատեսված պլաստիկե շշերի և կափարիչների համար, որոնց արկղերը կունենան գեղարվեստական որոշակի լուծումներ` համապատասխան այգու ընդհանուր տեսքին։ Այս ամենի շուկայական արժեքները մոտավորապես հաշվի առնելով ծրագիրը լիարժեք կտեղավորվի 5 միլիոն գումարի սահմաններում։ Վաղարշապատ համայնքի հիմնախնդիրներից մեկը շարունակում է մնալ քաղաքացիների համար ժամանցի, հանգստի վայրերի սակավության հարցը։ Հատկապես երիտասարդները, երբ ցանկանում են հանգիստը կազմակերպել և միաժամանակ լիցքաթափվել բնության մեջ, բացօթյա տարածքում, նախընտրում են օգտվել մայրաքաղաքի հնարավորություններից։ Ֆիլմեր դիտել այնտեղ, միջոցառումների մասնակցել և ակտիվ քննարկումներ կազմակերպել, պատճառաբանելով, որ Վաղարշապատ համայնքում չկան հարմարավետ այգիներ այդ ամենի համար։ Քանի որ այդ ամենի պակասն իսկապես կա մեր համայնքում, ուստի ցանկալի է երիտասարդների միջոցով ակտիվությունը համայնքում բարձրացնելու համար ունենալ կահավորված այգի, որը նոր շունչ ու էներգիա կհաղորդի համայնքին,միաժամանակ կծառայի կրթական և մշակութային իրադարձությունների կազմակեպման համար լավագույն միջոցի։ Արդյունքում կունենանք այգում մի հատված, որտեղ կահավորանքը, կրթական, մշակութային, ժամանցային բաղադրիչները հետաքրքրություն կառաջացնեն քաղաքացիների մոտ օգտվել առաջարկվող հնարավորություններից։ Այն կդառնա մի հաճելի վայր,որտեղ մարդիկ ցանկության դեպքում կընթերցեն գրքեր, կկազմակերպեն գրական քննարկումներ, տեղի կունենան միջոցառումներ, փորձարարական թատրոններ, ասմունքի ,երգի միջոցառումներ, ֆիլմերի դիտումներ ու քննարկումներ։ Տարեկան մի քանի հարյուր, նույնիսկ ապագայում հազարավոր քաղաքացիներ հնարավորություն կունենան օգտվել այդ տարածքից, սոցիալականացվել շփումների, քննարկումների միջոցով, զարգացնել իրենց,ստանալ և միաժամանակ հաճելի ժամանակ անցկացնել այդ վայրում։ Այն կմիավորի տարբեր հետաքրքրություններ ունեցող մարդկանց, կձևավորվի և կառանանձնանա համայնքում ակտիվ խումբ, որը համայնքի շարժիչ ուժ կարող է հանդիսանալ իր նախաձեռնողականությամբ և ակտիվ քաղաքացիական գործունեությամբ։ Անհրաժեշտ ռեսուրսներ` ●Փոքրիկ, բացօթյա գրադարան,տարբեր ժանրերի համալրված գրքերով։Մոտավորապես 30 գրքի տեղակայման հնարավորությամբ։ ●Լուսավորության ցանց ●Կամերաների առկայություն ●Հարմարավետ նստարաններ ● Փոքրիկ բեմահարթակ ●Բեմահարթակի համար ծածկ ● Ֆիլմի էկրան ● Թափոնամաններ ● Տարածքի պահպանության համար պաստառների առկայություն ●Էկրանին կցված սսրքավորումներ։

2 79

Այլ

Խաղի անկյուն ՀԱՅԱՐՓԻ ՄԱՆՈՒԿՅԱՆ 09 սեպտեմբեր 2025 Չարենց թաղամասում կառուցել խաղահրապարակ, մեր փոքրիկների հետաքրքիր ժամանցը ապահովելու համար։Խաղահրապարկը կնպաստի երեխաների և երիտասարդների սպորտային զբաղվածությանը,ակտիվ ժամանցին,ընկերական կապերի ամրապնդմանը։ Մեր նպատակն է ապահովել երեխաների համար ուրախ և անվտանգ միջավայր, որը կդառնա համայնքի սիրելի վայրերից մեկը ։

2 9

Այլ

Սուրբ Մարիանե այգու հարակից տարածքի կանաչապատում, բարեկարգում ՄԱՆՈՒԿ ՄԵԼՔՈՆՅԱՆ 09 սեպտեմբեր 2025 Նպատակ․ Սուրբ Մարիանե այգուն հարակից տարածքում ստեղծել բարեկարգ, կանաչապատ և էսթետիկ միջավայր, որն իր հերթին կնպաստի ինչպես բնակիչների հանգստի որակյալ պայմանների ապահովմանը, այնպես էլ զբոսաշրջային գրավչության բարձրացմանը։ Խնդիր, որը կլուծվի․ Այս պահին այգուն հարակից տարածքը չունի բավարար կանաչապատում և բարեկարգ ենթակառուցվածքներ։ Դրա արդյունքում միջավայրը քիչ է օգտագործվում բնակիչների և այցելուների կողմից, իսկ տարածքը չունի հարմարավետ ու գրավիչ տեսք։ Ռեսուրսների արդյունավետ օգտագործում․ Ծրագրի շրջանակում կօգտագործվեն առավել նպատակային միջոցներ՝ առանց ավելորդ ծախսերի․ Տեղական տնկանյութերի և ծառատեսակների գնում՝ նվազեցնելով խնամքի ծախսերը։ Այգում արդեն առկա ենթակառուցվածքների վերականգնում և փոքր նորոգում, այլ ոչ թե ամբողջովին նորերի կառուցում։ Հիմնական շեշտը դրվելու է կանաչապատման, ծառերի ու ծաղկանոցների ստեղծման վրա, ինչը համեմատաբար քիչ ծախսատար է, բայց մեծ ազդեցություն ունի միջավայրի տեսքի ու օգտակարության վրա։ Ծրագրի հիմնական գործողություններ․ Տարածքի մաքրման և հողային նախապատրաստական աշխատանքներ։ Ծառերի ու թփերի տնկում, ծաղկանոցների ստեղծում։ Խոտածածկի ցանք և ոռոգման համակարգի տեղադրում։ Արևային լապտերների տեղադրում՝ տարածքի լուսավորության համար։ Արդեն գոյություն ունեցող նստարանների և աղբամանների վերանորոգում, անհրաժեշտության դեպքում՝ նորերի տեղադրում։ Ակնկալվող արդյունք․ Ծրագրի ավարտից հետո Սուրբ Մարիանե այգուն հարակից տարածքը կվերածվի կանաչ, բարեկարգ և լուսավոր միջավայրի, որտեղ կստեղծվեն հարմար պայմաններ զբոսանքի, հանգստի և համայնքային միջոցառումների համար։

0 29

անաչ համայնք և բարեկարգում

Ապագան սկսվում է կանաչից ԱՆԻ ԽԱՉԱՏՐՅԱՆ 09 սեպտեմբեր 2025 Խնդրի նկարագրություն Շահումյան 69 շենքի բակը ներկայումս զբաղեցված է ապօրինի ավտոտնակներով և մեքենաներով։ Բակում մեքենաները կայանում են ոչ թե ավտոտնակներում, որոնք ապօրինի տեղադրած են, այլ հենց բակում՝արգելելով երեխաներին խաղալ, քանի որ կվնասեն իրենց մեքենաները։ Բակն աղբի մեջ է, իսկ առնետները, շները, կատուները տարածքում։ Երեխաները վախենում են խաղալ շների կողքին, ծնողներն էլ վախենում են շների հետ երեխաներին թողնել միևնույն տարածքում։ Ամենամեծ խնդիրը՝ չկա կանաչապատ տարածք, նստարան, որտեղ կխաղան երեխաները, կհետևեն նրանց ծնողները։ Երեխաները զրկված են խաղալու և առողջ միջավայրում ժամանակ անցկացնելու հնարավորությունից։ Ծրագրի նպատակ Ստեղծել կանաչապատ, մաքուր, լուսավոր և ապահով բակ՝ երեխաների, ծնողների ու մեծահասակների համար։ Առաջնային խնդիրներից է կանաչապատման ուղղությունները։ Կան մի շարք նորարար կանաչապատման լուծումներ բակի համար, որոնք փորձել եմ հնարավորինս սեղմ ներկայացնել․ Փուլ 1․ Տարածքի մաքրում և նախապատրաստում Ապօրինի ավտոտնակների ապամոնտաժում Աղբի և թափոնների հեռացում Հողի մշակություն՝ աղբի, քարերի, վնասակար բույսերի հեռացում Հողի հարթեցում և ոռոգման համակարգի նախապատրաստում (սա կարող են կազմակերպել նաև բնակիչները՝ սահմանելով հերթապահություն) Փուլ 2․ Հիմնական կանաչապատում Խոտածածկի ստեղծում․ տարածքի հիմնական հատվածում ցանել հատուկ խոտ, որը դիմանում է բակային ծանրաբեռնվածությանը Ծառատունկ․ տնկել ստվերատու և մշտադալար ծառեր (թխկի, թեղի, սոսիներ) Թփեր և ծաղկանոցներ․ բակի եզրերին՝ դեկորատիվ թփեր՝ (վարդ, յասաման), կենտրոնում՝ բազմամյա ծաղիկների գոտիներ Փուլ 3 Նորարար կանաչապատման տարրեր Վերտիկալ այգիներ (կանաչ պատեր)՝ շենքի մերկ պատերին կամ պատշգամբին Կանաչ տարածք՝ պատշգամբների կամ փոքր շինությունների վրա «Կանաչ կղզիներ»՝ հատուկ թեմատիկ գոտիներ (ծաղկային այգի, երեխաների ծառատունկի այգի, խոտաբույսերի այգի)։ Փուլ 4․ Հանգստի և խաղի գոտիներ Նստարանների տեղադրում ծառերի ստվերում Քարե կամ փայտե արահետների ձևավորում կանաչ տարածքների միջով Մանկական խաղահրապարակ՝ փայտից կամ էկո-անվտանգ նյութերից Փուլ 5․ Լուսավորություն և ապահովում Տեղադրել արևային էներգիայով աշխատող լեդ լուսավորություն՝ ծառերի շուրջ և արահետների երկայնքով Փուլ 6․ Խնամք և պահպանում Կազմել համայնքային կամ բնակիչների խումբ, որը կհետևի կանաչապատ տարածքի խնամքին Կատարել սեզոնային ծառատունկ և ծաղկանոցների թարմացում Ապահովել կանոնավոր ոռոգում (կաթիլային համակարգի միջոցով), մյուս տարբերակ՝ միացնել խողովակներ, որպեսզի ջրի մատակարարումն իրականացվի մեր կամ մոտակա բակերի աղբյուներից։ Արդյունքում Բակի կանաչապատումն ու բարեկարգումը կնպաստեն ոչ միայն գեղեցիկ, այլև առողջ միջավայրի ստեղծմանը։ Կանաչ տարածքները կնվազեցնեն փոշին ու աղմուկը, իսկ ծաղկանոցներն ու ծառերը կդառնան երեխաների ու մեծահասակների սիրելի վայր։ Նորարար լուծումները կբերեն ժամանակակից ու համախմբված համայնքային մշակույթ։ Այս ծրագրի արդյունքում մեր բակը կդառնա կանաչ, մաքուր և անվտանգ միջավայր բոլորի համար։

0 8

անաչ համայնք և բարեկարգում

Կարծիքներ
Հաշվետվություններ

Ձեր կարծիքը կարևոր է

ԼՈՒՍԻՆԵ ՍԱՐԳՍՅԱՆ 1 ամիս առաջ

Հրաշալի նախագծեր, հրաշալի նախաձեռնություն։ Միայն ուրախ կլինեմ, եթե վերը նշվածը կյանքի կոչվի

Պատասխանել

	Մարիամ Զաքարյան 1 ամիս առաջ
	Շնորհակալ ենք արձագանքի համար,հաղթող ծրագիրը կյանքի է կոչվելու։
	Պատասխանել

Հաշվետվություններ

Ներկայացման ամսաթիվ	Հաշվետվության անվանում	Ներկայացնող	Ժամանակահ. սկիզբ	Ժամանակահ. վերջ
15/09/2025	ՎԱՂԱՐՇԱՊԱՏ ՀԱՄԱՅՆՔՈՒՄ 2025 ԹՎԱԿԱՆԻՆ ՄԱՍՆԱԿՑԱՅԻՆ ԲՅՈՒՋԵՏԱՎՈՐՄԱՆ ՔՎԵԱՐԿՈՒԹՅԱՆ ՓՈՒԼԻ ԱՄՓՈՓՈՒՄ	ՎԱՂԱՐՇԱՊԱՏԻ ՀԱՄԱՅՆՔԱՊԵՏԱՐԱՆ	15/09/2025	15/09/2025
10/09/2025	2025 ԹՎԱԿԱՆԻՆ ՄԱՍՆԱԿՑԱՅԻՆ ԲՅՈՒՋԵՏԱՎՈՐՄԱՆ ԳՈՐԾԸՆԹԱՑԻ ՀԱՆՐԱՅԻՆ ՔՆՆԱՐԿՄԱՆ ՓՈՒԼ	ՎԱՂԱՐՇԱՊԱՏԻ ՀԱՄԱՅՆՔԱՊԵՏԱՐԱՆ	10/09/2025	15/09/2025
08/09/2025	2025 ԹՎԱԿԱՆԻՆ ՄԱՍՆԱԿՑԱՅԻՆ ԲՅՈՒՋԵՏԱՎՈՐՄԱՆ ԳՈՐԾԸՆԹԱՑԻ ՆԱԽՆԱԿԱՆ ԳՆԱՀԱՏՄԱՆ ՓՈՒԼ	ՎԱՂԱՐՇԱՊԱՏԻ ՀԱՄԱՅՆՔԱՊԵՏԱՐԱՆ	08/09/2025	09/09/2025
28/08/2025	Հաշվետվություն իրազեկման 2-րդ փուլի մասին	ՎԱՂԱՐՇԱՊԱՏԻ ՀԱՄԱՅՆՔԱՊԵՏԱՐԱՆ	18/08/2025	29/08/2025
18/08/2025	Հաշվետվություն իրազեկման 1-ին փուլի մասին	ՎԱՂԱՐՇԱՊԱՏԻ ՀԱՄԱՅՆՔԱՊԵՏԱՐԱՆ	18/08/2025	29/08/2025