Զեկ. ՎԱՍՊՈՒՐԱԿԱՆ ԴԱՎԹՅԱՆ

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի առաջին մասի 42-րդ կետի «Ճանապարհային երթևեկության անվտանգության ապահովման մասին» օրենքի 24.4-րդ հոդվածի 3-րդ և 10-րդ մասերով և հիմք ընդունելով համայնքի ղեկավարի առաջարկությունը՝

Համայնքի ավագանին

ՈՐՈՇՈՒՄ  Է`

1.Վաղարշապատ համայնքի վարչական տարածքում մինչև 18 տարեկան անձանց կողմից անհատականշարժունակության (տեղաշարժման) միջոցներով երթևեկությունը, բացառությամբ 16 տարին լրացած և «AM» ենթակարգի տրանսպորտային միջոց վարելու իրավունք ունեցող անձանց, թույլատրվում է

1) Վաղարշապատ համայնքի Էջմիածին քաղաքի Զվարթնոց թաղամասում գտնվող Զվարթնոցի այգում, համաձայն թիվ 1 հավելվածի իրավիճակային հատակագծի:

2) Վաղարշապատ համայնքի Էջմիածին քաղաքի Արամ Մանուկյան 2-րդ թաղամասում գտնվող Արամ Մանուկյանի անվան այգում, համաձայն թիվ 2 հավելվածի իրավիճակային հատակագծի:

3) Վաղարշապատ համայնքի Էջմիածին քաղաքի Վ.Տերյան փողոցում գտնվող Վահան Տերյանի անվան այգում, համաձայն թիվ 3 հավելվածի իրավիճակային հատակագծի:

4) Վաղարշապատ համայնքի Էջմիածին քաղաքի Եղիշե Չարենցի փողոցում գտնվող Եղիշե Չարենցի անվան այգում, համաձայն թիվ 4 հավելվածի իրավիճակային հատակագծի:

5) Վաղարշապատ համայնքի Էջմիածին քաղաքի Անմար Կրակ հուշահամալիրի տարածքում, համաձայն թիվ 5 հավելվածի իրավիճակային հատակագծի:

2.Սահմանել Վաղարշապատ համայնքի վարչական տարածքում անհատականշարժունակության (տեղաշարժման) միջոցներիերթևեկությանհետևյալարգելվածվայրերը՝

1) Վաղարշապատ համայնքի Էջմիածին քաղաքի համայնքապետարանի շենքի դիմաց գտնվող  Ազատության պուրակում, համաձայն թիվ 6 հավելվածի իրավիճակային հատակագծի:

2) Վաղարշապատ համայնքի Էջմիածին քաղաքի Կոմիտասի անվան հրապարակում, համաձայն թիվ 7 հավելվածի իրավիճակային հատակագծի:

3) Վաղարշապատ համայնքի Էջմիածին քաղաքի Սուրբ Մեսրոպ Մաշտոցի փողոցի թիվ 75 հասցեում գտնվող «Կոմիտասի անվան մշակույթի պալատ» ՀՈԱԿ-ի տարածքում և այգում, համաձայն թիվ 8 հավելվածի իրավիճակային հատակագծի:

3.Սույն որոշումն ուժի մեջ է մտնում 2025 թվականի մարտի 1-ից: