Ղեկավարվելով Հայաստանի Հանրապետության քաղաքացիական օրենսգրքի 594-րդ հոդվածով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետի, Հայաստանի Հանրապետության  Հողային օրենսգրքի 64-րդ հոդվածի 1.2.-րդ մասով և հիմք ընդունելով համայնքի ղեկավարի առաջարկությունը՝

Համայնքի ավագանին

ՈՐՈՇՈՒՄ   Է

1. Հայաստանի Հանրապետության Արմավիրի մարզի Վաղարշապատ համայնքի սեփականությունը հանդիսացող, Էջմիածին քաղաքի Ն.Դարբինյան փողոցի թիվ 1/1 հասցեում գտնվող 0.4769 հա մակերեսով հողամասը, (հիմք՝ գույքի նկատմամբ իրավունքների պետական գրանցման վկայական N 14052024-04-0028, կադաստրային ծածկագիր՝04-002-1395-0001), անհատույց, սեփականության իրավունքով, նվիրատվության միջոցով օտարել Հայաստանյայց Առաքելական Սուրբ Եկեղեցուն (Մայր Աթոռ Սուրբ Էջմիածին) (այսուհետ՝  նվիրառու):

2. Վաղարշապատի համայնքապետարանի քաղաքաշինության և հողաշինության բաժնի աշխատակիցներին հանձնարարել՝ Վաղարշապատ համայնքի ղեկավարի անունից, ՀՀ օրենսդրությամբ սահմանված կարգով, նոտարական գրասենյակում ներկայացնել վավերացման Վաղարշապատ համայնքի և նվիրառուի միջև կնքվելիք անշարժ գույքի նվիրատվության մասին պայմանագիրը:

3. Ընդունել ի գիտություն, որ. 

1) նվիրատվության մասին պայմանագիրը ենթակա է նոտարական վավերացման, իսկ դրանից ծագող իրավունքը՝ պետական գրանցման անշարժ գույքի կադաստրի պետական կոմիտեում.

2) պետական գրանցման և նոտարական վավերացման հետ կապված ծախսերը կատարվում  են նվիրառուի կողմից։

4. Սույն որոշումն ուժի մեջ է մտնում ընդունման պահից: