Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 42-րդ կետի և «Գնումների մասին» Հայաստանի Հանրապետության օրենքի 20-րդ հոդվածի 4-րդ մասի պահանջներով, հաշվի առնելով այնհանգամանքը, որ Վաղարշապատ համայնքի Էջմիածին քաղաքի Տիգրան Մեծի փողոցի, Բաղրամյան փողոցի խաչմերուկից մինչև Պուշկին և Վիկտոր Համբարձումյան փողոցների  հատման հատվածի, Ռ.Պատկանյան փողոցի ԴՕՍԱՖ-ի հարակից տարածքի և Վազգեն Սարգսյան փողոցի 2-րդ փակուղու մասնակի վերանորոգումից հետո, վերջիններս մեքենաների գերծանրաբեռնվածության և հորդառատ անձրևների հետևանքով անանցանելի են դարձել, այդ թվում հատկապես հիմք ընդունելով այն, որ  «Էջմիածին»  բժշկական  կենտրոն  ՓԲԸ-ն գտնվում է Տիգրան Մեծի փողոցի վրա, նշված փողոցների  անհապաղ ասֆալտբետոնե ծածկույթի հիմնանորոգումը քաղաքի երթևեկի համար կարևոր և խիստ անհրաժեշտ է, ուստի նշված փողոցների ասֆալտբետոնե ծածկույթի հիմնանորոգման համար նախատեսվող բաց մրցույթի հայտերի ներկայացման սահմանված 40-օրյա ժամկետի կիրառումը  դառնում է անհնար:

Վաղարշապատի համայնքապետարանի «Բարեկարգում տնօրինություն» բյուջետային հիմնարկի 22.07.2024 թվականի զեկուցագրի և կատարած ուսումնասիրությունների հիման վրա պարզ է դառնում, որ առաջացել է չնախատեսված իրավիճակ, որով ծագել է գնման անհետաձգելի պահանջ, և որ նման պահանջը հնարավոր չէր օբյեկտիվորեն կանխատեսել:

Հիմք ընդունելով վերոգրյալը և համայնքի ղեկավարի առաջարկությունը՝

Համայնքի  ավագանին

ՈՐՈՇՈՒՄ Է

1.Վաղարշապատի համայնքապետարանի «Բարեկարգում տնօրինություն» բյուջետային հիմնարկի կողմից Վաղարշապատ համայնքի Էջմիածին քաղաքի Տիգրան Մեծի փողոցի, Բաղրամյան փողոցի խաչմերուկից մինչև Պուշկին և Վիկտոր Համբարձումյան փողոցների  հատման հատվածի, Ռ.Պատկանյան փողոցի ԴՕՍԱՖ-ի հարակից տարածքի և Վազգեն Սարգսյան փողոցի 2-րդ փակուղու ասֆալտբետոնե ծածկույթի հիմնանորոգման  համար  նախատեսվող  բաց մրցույթի  հայտերի  ներկայացման՝  սահմանված  քառասունօրյա  ժամկետը  կրճատել  և սահմանել տասն օրացուցային օր:

2. Փողոցների ասֆալտբետոնե ծածկույթի հիմնանորոգման ֆինանսավորումը հատկացնել 2025 թվականի ընթացքում:

3. Սույն որոշումն ուժի մեջ է մտնում ընդունման պահից: