Ղեկավարվելով «Տեղական ինքնակառավարման մասին» օրենքի  18–րդ հոդվածի 1-ին մասի 5-րդ կետի և  «Հայաստանի Հանրապետության  բյուջետային համակարգի  մասին» օրենքի 27.1-րդ  հոդվածի և 31-րդ հոդվածի և «Նորմատիվ իրավական ակտերի մասին» ՀՀ օրենքի 36-րդ հոդվածի 1-ին մասի 1-ին կետի և 37-րդ հոդվածի պահանջներով, հիմք ընդունելով համայնքի ղեկավարի առաջարկությունը`

Համայնքի  ավագանին 

ՈՐՈՇՈՒՄ  Է`

1.     Հաստատել Վաղարշապատ համայնքի 2025-2027 թվականների միջնաժամկետ ծախսերի ծրագիրը՝

1)    Եկամուտները և ծախսային քաղաքականությունը շարադրող մասեր՝ համաձայն N 1 հատվածի.

2)    Վարչական և ֆոնդային մասերի եկամուտներն՝ ըստ ձևավորման աղբյուրների` համաձայն N 2 հատվածի.

3)    Հավելուրդի օգտագործման ուղղությունները կամ դիֆիցիտի (պակասուրդի) ֆինանսավորումը ըստ աղբյուրների՝ համաձայն N 3 հատվածի.

4)    Վարչական և ֆոնդային մասերի տարեկան հատկացումները` ըստ բյուջետային ծախսերի գործառական դասակարգման բաժինների, խմբերի, դասերի և տնտեսագիտական դասակարգման հոդվածների՝ համաձայն N 4 հատվածի:

2. Ուժը կորցրած ճանաչել Վաղարշապատ համայնքի ավագանու 11.12.2023 թվականի «Հայաստանի Հանրապետության Արմավիրի մարզի Վաղարշապատ համայնքի 2024-2026 թվականների միջնաժամկետ ծախսերի ծրագիրը հաստատելու և Վաղարշապատ համայնքի ավագանու 07.08.2023 թվականի թիվ 64-Ա  որոշումն ուժը կորցրած ճանաչելու մասին» թիվ 99-Ա որոշումը:

3.Սույն որոշումն ուժի մեջ է մտնում պաշտոնական հրապարակման օրվան հաջորդող
օրվանից: