Զեկ. ԱՐՄԵՆ ՀԱՐՈՒԹՅՈՒՆՅԱՆ

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետի և Հայաստանի Հանրապետության քաղաքացիական օրենսգրքի 36-րդ գլխի պահանջներով, հիմք ընդունելով Գևորգ Բաբկենի Սահակյանի 02.05.2025 թվականի դիմումը, ներկայացված ծրագիրը և համայնքի ղեկավարի առաջարկությունը՝

Համայնքի  Ավագանին 

ՈՐՈՇՈՒՄ   Է

1. Վաղարշապատ համայնքի սեփականությունը հանդիսացող (անշարժ գույքի նկատմամբ իրավունքների պետական գրանցման 16.06.2009թ. N 2389856 վկայական) քաղաք Էջմիածին, Մանուշյան փողոց, 0 հասցեում գտնվող գույքը, 50 /հիսուն/ տարի ժամկետով անհատույց օգտագործման իրավունքով տրամադրել Գևորգ Բաբկենի Սահակյանին` համաձայն ներկայացված ծրագրի և հաստատված էսքիզ-նախագծի` իր միջոցների հաշվին մանկապարտեզի շենքի վերակառուցելու նպատակով:

2. Վաղարշապատ համայնքի ղեկավարին՝ ապահովել սույն որոշման 1-ին կետում նշված ոչ բնակելի տարածքի անհատույց օգտագործման պայմանագրի կնքումըԳևորգ Բաբկենի Սահակյանի հետ՝ դրանում պարտադիր ներառելով հետևյալ դրույթները.

1) Գևորգ Բաբկենի Սահակյանին վերապահել իրավունք տարածքում կատարելու կապիտալ շինարարություն` այդ թվում փոփոխելու շենքի արտաքին տեսքը, չափերը և հարկայնությունը, ապահովելով անհրաժեշտ քաղաքաշինական թույլտվությունները և համաձայնությունները։

2) Տարածքի վերակառուցման և վերանորոգման աշխատանքներն ավարտելուց հետո Գևորգ Բաբկենի Սահակյանին թույլատրել առանց ավագանու լրացուցիչ համաձայնության տարածքը անհատույց օգտագործման իրավունքով տրամադրել Վաղարշապատ համայնքի համայնքային ոչ առևտրային կազմակերպությանը,

3) Համայնքն իրավունք ունի պահանջել վաղաժամկետ լուծելու գույքի անհատույց օգտագործման պայմանագիրը բացառապես ՀՀ քաղաքացիական օրենսգրքի 696-րդ հոդվածի 1-ին կետով սահմանված դեպքերում, որի դեպքում պարտավոր է փոխառուին վերադարձնել վերջինիս կողմից կատարված բարելավումների արժեքը։

4) անհատույց օգտագործման պայմանագրի ժամկետի ավարտից հետո տարածքում կատարված բարելավումները համարվում են Վաղարշապատ համայնքի սեփականությունը:

5) Փոխառուի մահվան դեպքում անհատույց օգտագործման պայմանագրով սահմանված նրա իրավունքներն ու պարտականություններն անցնում են իրավահաջորդին։

3. Սույն որոշումն ուժի մեջ է մտնում ընդունման պահից: