Ղեկավարվելով «Տեղական ինքնակառավարման մասին» ՀՀ օրենքի 18-րդ հոդվածի, ՀՀ հողային օրենսգրքի 3-րդ հոդվածի 1-ին մասի 1-ին կետի և նույն օրենսգրքի 7-րդ հոդվածի 9-րդ և 15-րդ մասերով, «Քաղաքաշինության մասին» ՀՀ օրենքի 14.3-րդ հոդվածի 9-րդ և 12-րդ մասերի պահանջներով և հիմք ընդունելով ՀՀ Արմավիրի մարզպետի 04.10.2022թ-ի թիվ 01/7/059288-2022 և կից ՀՀ քաղաքաշինության կոմիտեի նախագահի 03.10.2022թ. N 01/11.1/10652 դրական եզրակացությունը, ինչպես նաև Վաղարշապատ համայնքի Էջմիածին քաղաքի Մանուշյան փողոցի թիվ 7 տան բնակիչ Գեղեցիկ Մելիքսեթի Զորիկյանի դիմումը և համայնքի ղեկավարի առաջարկությունը` Համայնքի ավագանին

ՈՐՈՇՈՒՄ Է

1. Վաղարշապատ համայնքի Էջմիածին քաղաքի Մանուշյան փողոցի թիվ 7 տան բնակիչ Գեղեցիկ Մելիքսեթի Զորիկյանին (1/20 մասով), Կարեն Արայիկի Մուրադյանին (9/80 մասով), Մայրամ Վաչագանի Մուրադյանին (1/2 մասով), Վաչագան Արայիկի Մուրադյանին (9/80 մասով), Աննա Արայիկի Մուրադյանին (9/80 մասով) և Սիրանուշ Արայիկի Մուրադյանին (9/80 մասով) ընդհանուր բաժնային սեփականության իրավունքով պատկանող /ՀՀ անշարժ գույքի նկատմամբ իրավունքների պետական գրանցման վկայական թիվ 15022019-04-0042, տրված 15.02.2019թ/ ՀՀ Արմավիրի մարզի, Վաղարշապատ համայնքի, Էջմիածին քաղաքի Զվարթնոց ԳԿՏ տարածքում գտնվող 04-002-0323-0007 կադաստրային ծածկագրով հողամասից 0,2839հա վարելահողի (3-րդ կարգ) նպատակային նշանակությունը փոփոխել արդյունաբերության, ընդերքօգտագործման և այլ արտադրական նշանակության, գյուղատնտեսական արտադրական գործառնական նշանակության` անասնաշենք և ծածկոց կառուցելու նպատակով:

2. «Քաղաքաշինության մասին» ՀՀ օրենքի 14.3 հոդվածի 14-րդ և 30-րդ մասերով սահմանված կարգով հողամասի նպատակային նշանակության փոփոխությունը պետական գրանցում ստանալուց հետո ընդգրկել համայնքի հողային ֆոնդի տարեկան ընթացիկ հաշվառման տվյալներում, համայնքի հողային հաշվեկշռում, արտացոլել համայնքի ընթացիկ քաղաքաշինական քարտեզում:

3.Սույն որոշումից բխող դրույթների փոփոխությունը արտացոլել ՀՀ Արմավիրի մարզի Արմավիր 8 և Արմավիր 6 միկրոռեգիոնալ մակարդակի համակցված տարածական պլանավորման փաստաթղթերի Վաղարշապատ համայնքի Էջմիածին քաղաքի և Ոսկեհատ գյուղի գլխավոր հատակագծերի նախագծերը /գոտևորման նախագծերը/ հաստատելու մասին ՀՀ Արմավիրի մարզի Վաղարշապատ համայնքի ավագանու 26.04.2022թ. առաջին նստաշրջանի արտահերթ առաջին նիստի թիվ 80 որոշմամբ և Արմավիրի մարզպետի 19.05.2022թ. թիվ ՄՈ/344-2022 որոշմամբ հաստատված հատակագծում:

4. Սույն որոշումն ուժի մեջ է մտնում ընդունման պահից: