Զեկ. ԴԱՎԻԹ ԲԱԴԱԼՅԱՆ

Ղեկավարվելով «Տեղական ինքնակառավարման մասին» ՀՀ օրենքի 18-րդ հոդվածի 1-ին մասին 21-րդ կետի, Հայաստանի Հանրապետության հողային օրենսգրքի 67-րդ հոդվածի պահանջներով,Հայաստանի Հանրապետության կառավարության 2001 թվականի ապրիլի 12-ի N 286 որոշմամբ հաստատված կարգի 13-րդ կետի «գ» ենթակետով և 22-րդ կետով ու հիմքընդունելովհամայնքի ղեկավարի առաջարկությունը`

Էջմիածին  համայնքի  Ավագանին

ՈՐՈՇՈՒՄ Է

1. Աճուրդային եղանակով վաճառել Էջմիածին համայնքի սեփականությունը հանդիսացող Արմավիրի մարզ, քաղաք Վաղարշապատ  Ա. Մանուկյան 1-ին թաղամասում գտնվող 0,3021հա և 0,1028 հա մակերեսներով, կադաստրային ծածկագրեր` 04-002-0909 /հիմք` իրավիճակային հատակագիծ/, բնակավայրերի նպատակային նշանակության բնակելի կառուցապատման գործառնական նշանակության հողամասերը:

2. Մինչև օտարումը վերոնշյալ հողամասերը բաժանել մասերի: Բաժանությունն իրականացնել նախատեսելով հողամասերի նվազագույն մակերես 450քմ, իսկ առավելագույնը` 650քմ /բնակելի տուն և օժանդակ շինություններ կառուցելու համար/:

3. Յուրաքանչյուր քառակուսի մետր (քմ) հողամասի մեկնարկային գինը սահմանել տվյալ հողի կադաստրային արժեքի 250% չափով:

4. Հողամասերի աճուրդային քայլը սահմանել հողամասի մեկնարկային գնի 5% չափով:

5. Հողամասերի աճուրդային եղանակով վաճառքն իրականացնել համայնքապետարանի  «Աճուրդային հանձնաժողով» -ի միջոցով:

6. Սույն որոշումն ուժի մեջ է մտնում ընդունման պահից: