Ղեկավարվելով «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 42-րդ կետի պահանջներով, հաշվի առնելով այն, որ Էջմիածին քաղաքի Նարեկացի փողոցի թիվ 10 տուն հասցեի բնակիչուհի Հայկանուշ Գրիգորի Ֆրնզյանը հայտնվել է կյանքի դժվարին իրավիճակում, ապրում է հինգ անչափահաս երեխաների հետ վարձակալական հիմունքներով, աշխատում է որպես գիշերային հավաքարար։ Որդին՝ Հովսեփ Ֆրնզյանը ունի առողջական լուրջ խնդիրներ՝ հաշմանդամություն, հիդրոցեֆալիայով հիվանդ է, օգտագործում է հակացնցումային դեղորայք, տարել է բազմաթիվ գլխի վիրահատություններ և ունի մշտական դեղորայքային բուժման կարիք, իսկ մյուս որդին ևս ունի առողջական խնդիրներ, տարել է թոքաբորբ, ունի բրոնխների հետ խնդիր, հոսպիտալացվել է։
Հիմք ընդունելով Հայկանուշ Գրիգորի Ֆրնզյանի ֆինանսական աջակցություն ստանալու վերաբերյալ դիմումը և կից նյութերը` երեխաների ծննդյան վկայականներ, հաշմանդամության թերթիկ, երեխաների առողջական խնդիրների վերաբերյալ փաստաթղթեր տրված բժշկական հաստատության կողմից, նպաստ համակարգից տեղեկանք, Վաղարշապատի համայնքապետարանի աշխատակազմի քարտուղարության բաժնի պետի զեկուցագիրը և համայնքի ղեկավարի առաջարկությունը`
Համայնքի ավագանին
ՈՐՈՇՈՒՄ Է` 1.Հայկանուշ Գրիգորի Ֆրնզյանին հատկացնել Վաղարշապատ համայնքի 2025թ. բյուջեի սոցիալական ֆոնդի միջոցներից 200 000 /երկուհարյուր հազար/ ՀՀ դրամ գումար:
2.Սույն որոշումն ուժի մեջ է մտնում ընդունման պահից: |