Ղեկավարվելով «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, 36-րդ հոդվածի 1-ին մասի 3-րդ կետի և «Հավաքների ազատության մասին» օրենքի 15-րդ հոդվածի պահանջներով, հիմք ընդունելով Վաղարշապատ համայնքի ավագանու 28․02․2025 թվականի թիվ 12-Լ որոշումը.
ՈՐՈՇՈՒՄ ԵՄ
1. Հայաստանի Հանրապետության Արմավիրի մարզի Վաղարշապատ համայնքում հանրային հավաքների մասին իրազեկումների գրանցամատյանի պահպանման և վարման պատասխանատվությունը վերապահել Վաղարշապատի համայնքապետարանի աշխատակազմի քարտուղարության բաժնի պետին:
2. Հանձնարարել Վաղարշապատի համայնքապետարանի աշխատակազմի քարտուղարության բաժնի պետին գրանցամատյանը պահպանելու և վարելու ընթացքում հետևել Վաղարշապատ համայնքի ավագանու 28․02․2025 թվականի «Հայաստանի Հանրապետության Արմավիրի մարզի Վաղարշապատ համայնքում հանրային հավաքների մասին իրազեկումների գրանցամատյանի վարման կարգը և ձեվը հաստատելու մասին» թիվ 12-Լ որոշմամբ սահմանված կարգի պահանջներին:
3. Սույն որոշումն ուժի մեջ է մտնում ընդունմանը հաջորդող օրվանից: