«ԴիասպորԱրմ» հասարակական կազմակերպությունը Էջմիածին քաղաքում հիմնադրվել է 2021թ․ ապրիլին։  ՀԿ-ը «Պատանի առաջնորդներ»-ի դպրոցի առաջնորդության զարգացման վեցամսյա դասընթացները է կազմակերպում  Արմավիրի մարզի 14 և բարձր տարիքի պատանիների համար՝ նպատակ ունենալով՝ 

• Նպաստել ՀՀ բարեկիրթ, մրցունակ, իրազեկ եւ հայրենասեր քաղաքացիների ձեւավորմանը եւ նրանց՝ համայնքային կյանքում ներգրավվելուն,
•  Ձեւավորել սոցիալական կապիտալի եւ փոխօգնության հարթակ,

•  Պատանիներին փոխանցել արժեքների, հմտությունների եւ գիտելիքի ամուր պաշար, որոնք անհրաժեշտ են կայուն զարգացման համար։

«ԴիասպորԱրմ»-ի գործունեության ոլորտը համահայկական է․ այն զբաղվում է սփյուռքի հայկական կազմակերպությունների և տարբեր ոլորտների հայ մասնագետների տվյալների հավաքագրմամբ, ինչպես նաև կամրջող օղակ է հանդիսանում նմանատիպ գործունեությամբ զբաղվող կազմակերպությունների միջև՝ նպաստելով ռեսուրսների ավելի արդյունավետ օտգագործմանը։

Կազմակերպության գործունեությունը կենտրոնացած է առավելապես համայնքային, կրթական և անվտանգային ոլորտների վրա։

Վաղարշապատի երիտասարդական միությունը համախմբում է համայնքի 16-26 տարեկան ակտիվ երիտասարդներին։ Միությունը հիմնվել է համայնքի նախաձեռնությամբ՝ նպատակ ունենալով ՏԻՄ-ի համար լսելի դարձնելու երիտասարդների խնդիրները, լսելու նրանց առաջարկություններն ու դիտարկումները, ինչպես նաև՝ նպաստել իրավագիտակից քաղաքացիների ձևավորմանը։

Երիտասարդական միությունը սեփական նախաձեռնությամբ կազամակերպում է կրթական, մշակութային և ժամանցային միջոցառումներ, մասնակցում երիտասարադական տարբեր ծրագրերի, կատարում կամավորական աշխատանք, կազմակերպում հանդիպում-քննարկումներ։