Վաղարշապատի համայնքապետարանի պաշտոնական կայք

10.10.24 Էջմիածնի 2709-ամյակի միջոցառումները

Հոկտեմբերի 8-ին Էջմիածինը նշեց հիմնադրման 2709-ամյակը: Տոնական օրվա համար նախատեսված էին բազմաբնույթ միջոցառումներ: Օրը մեկնարկեց ծաղկեդրում կատարելով եւ հարգանքի տուրք մատուցելով մեր հերոս զավակների հիշատակին: Պաշտոնական հատվածում տեղի ունեցավ համայնքի ավագանու հանդիսավոր նիստը եւ մեր մարզիկների պարգեւատրման արարողությունը: Ավագանու նիստում որոշում է կայացվել Վաղարշապատ համայնքի «Համայնքի ղեկավարի մեդալ»-ի ձեւը եւ շնորհման կարգը սահմանելու մասին: Հանդիսավոր նիստին հաջորդել է անցնող տարվա ընթացքում միջազգային եւ հանրապետական մրցաշարերում լավագույն արդյունքներ գրանցած մեր համայնքի մարզիկների եւ մարզիչների պարգեւատրման արարողությունը: Արարողության ավարտին Վաղարշ արքան հյուրերին ուղեկցել ... Մանրամասն

07.10.24 Էջմիածնի 2709-ամյակի տոնակատարությունների շրջանակում համայնքի ղեկավար Դիանա Գասպարյանն ընդունել է Էջմիածնի քույր քաղաքներից ժամանած պատվիրակությունների անդամներին

Պաշտոնական հանդիպման ընթացքում կողմերը քննարկել են քույր քաղաքների համաձայնության շրջանակում քաղաքների միջեւ կապերի հետագա զարգացմանը վերաբերող հարցեր:

Շնորհավորելով քաղաքի տոնի առթիվ, հյուրերը խոսել են Էջմիածնի կարեւոր դերի մասին թե՛ քույր քաղաքների հետ հարաբերություններում, թե՛ հոգեւոր եւ մշակութային աշխարհում:

Համայնքի ղեկավար տիկին Դիանա Գասպարյանն ընդգծել է քույր եւ գործընկեր քաղաքների դերը Էջմիածնի զարգացման գործում եւ շնորհակալություն հայտնել պատվիրակութունների անդամներին քաղաքի տոնի շրջանակում Էջմիածին ժամանելու եւ տոնակատարության կարեւոր պահերը մեր համաքաղաքացիների հետ նշելու պատրաստակամության համար:

Հյուրերը շրջայց են ունեցել նաեւ Պատմազգագրական թանգարանում եւ Մայր Աթոռի տարածքում։

05.10.24 Վաղարշապատ համայնքի ղեկավար Դիանա Գասպարյանի շնորհավորական ուղերձն Ուսուցչի օրվա առթիվ

Հարգարժա՛ն ուսուցիչներ, այսօր նշանավոր օր է յուրաքանչյուրի համար, քանզի ձեր մասնագիտությունն է մարդկանց եւ հասարակությունների առաջընթացի հիմքում։ Ձեր նվիրվածության եւ համբերատարության շնորհիվ դուք ձեւավորում եք կարող մտքեր, ապագան կերտող անհատներ, երեխաների եւ պատանիների մեջ սերմանում եք արժեքներ եւ գիտելիքներ ողջ կյանքի համար։ Այդ արժեքներից գլխավորը, թերեւս, հայրենասիրությունն է, որն ունի տարբեր բանաձեւումներ։ Իմ բանաձեւումը հետեւյալն է.«Հայենասիրությունը` վերապահված աշխատանքը սրտացավորեն եւ լավ կատարելն է»:Իսկ ձեր սրտացավ աշխատանքից կախված է մեր երկրի ապագան ձեւավորող սերունդը` կիրթ, մտածող, արարող եւ զարգացնող սերունդը։Իմ խորին երախտագիտությունն եմ հայտնում ձեր քրտնաջան աշխատանքի, ... Մանրամասն

30.09.24 Մայր Տաճարի վերաօծման եւ Սրբալույս Մյուռոնի օրհնության արարողությունները

Սեպտեմբերի 28-ին եւ 29-ին տեղի ունեցան Մայր Տաճարի վերաօծման եւ Սրբալույս Մյուռոնի օրհնության արարողությունները: Տաճարի Նորոգման ծրագիրը մեկնարկել էր 2012 թվականին, հատվածաբար ընթացել մինչ 2018 թվականի նոյեմբեր: Այդ ընթացքում կատարվել է Սրբադասման արարողությունը եւ Մյուռոնի օրհնությունը` 2015-ին, եւ 2016-ին Ֆրանցիսկոս պապի այցելությունը Մայր տաճար: Այժմ, շուրջ վեց տարի տեւած շինարարակական աշխատանքներից հետո Մայր Տաճարը կրկին բաց է համայն հայության համար։ Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի ձեռամբ կատարվեց Տաճարի վերաօծումը, մատուցվեց Հայրապետական Սուրբ Պատարագ, որին մասնակցեցին պետական բարձրաստիճան պաշտոնյաներ՝ վարչապետ Նիկոլ Փաշինյանի գլխավորությամբ, համայնքի ղեկավար Դիանա Գասպարյանը, ... Մանրամասն

26.09.24 Իսի լե Մուլինո փողոցում կատարվում է մեծ ծառատունկ

Ինչպես արդեն հայտնել էինք, փողոցի ծառատունկը կատարվում է ԱրմՍվիսԲանկի հետ համատեղ
Հունիսին, մեկնարկելով փողոցի հիմնանորոգումը, աշխատանքների մեջ ներառել էինք նաեւ թթենի տեսակի ծառերի փոխարինումը նոր ծառերով։
Որպես փոխարինող ընտրվել էր կանադական հուդածառը։
Բանկը պատրաստակամություն է հայտնել նախագծին նվիրաբերել 30 հատ ծառ։
Անհրաժեշտ մնացյալ ծառերի ձեռքբերումը, տնկման աշխատանքները, հետագա ողջ խնամքը կիրականացվի համայնքապետարանի կողմից։
Աշխատանքների ընթացքին հետեւել է համայնքի ղեկավար Դիանա Գասպարյանը։
Նախագծի այս փուլը եւս մեկ օրինակ է համայնքապետարանի եւ մասնավոր հատվածի հաջող համագործակցության, որի նպատակն է աջակցել հասարակական կարեւոր նախաձեռնություններին եւ համայնքի կայուն զարգացմանը։

21.09.24 Վաղարշապատ համայնքի ղեկավար Դիանա Գասպարյանի ուղերձը Հայաստանի Անկախության տոնի առթիվ

Հարգելի՛ քաղաքացիներ, այսօր Հայաստանի պատմության կարեւորագույն օրն է՝ մեր հայրենիքի անկախության օրը։ Պարտավորեցնող է գիտակցումն ու զգացողությունը, անսահման է պատասխանատվությունն այս փաստի հանդեպ, որ մենք անկախ պետականություն ունեցող, սեփական դրոշ, օրհներգ եւ պետական լեզու կրող ժողովուրդ ենք։ Այս օրն իր նշանակությամբ ու խորհրդով բացառիկ է բոլորիս համար։Սիրելի՜ հայրենակիցներ, անկախության սկզբնավորումից ի վեր մենք բազում փորձություններ, կորուստներ ու արհավիրքներ ենք վերապրել, քանիցս մեր քույրերի եւ եղբայրների արյան գնով պաշտպանել մեր հայրենիքի սահմանները։ Իսկ այսօր եւ այսուհետ պետք է լինել վճռական՝ ոտքի կանգնելու, մեր երկրի զարգացման եւ մեր երեխաների համար ապահով կյանք ստեղծելու կամքով։ Բոլորիս ... Մանրամասն

1 2 3 4 5 6 7 8 9 10 ...