Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի առաջին մասի 28-րդկետով և «Պետական ոչ առևտրային կազմակերպությունների մասին» Հայաստանի Հանրապետության օրենքի 9-րդ հոդվածի 5-րդ մասի պահանջներով և հիմք ընդունելով   Էջմիածին (Վաղարշապատ) և Ոսկեհատ համայնքների միավորման արդյունքում նոր վարչատարածքային միավորի՝ Վաղարշապատ համայնքի ստեղծման փաստը, ֆիզիկական կուլտուրայի և սպորտի զարգացման, հատուկ մարզական պատրաստության միջոցով Հայաստանի Հանրապետության ազգային հավաքական թիմերի համար հերթափոխի պատրաստման և համալրման նպատակով և հաշվի առնելով համայնքի ղեկավարի առաջարկությունը`

Համայնքի  ավագանին 

ՈՐՈՇՈՒՄ    Է

1. Վաղարշապատ համայնքի անունից` ստեղծել Վաղարշապատի համայնքապետարանի «Մանկապատանեկան մարզադպրոց» համայնքային ոչ առևտրային կազմակերպություն:

2. Հաստատել Վաղարշապատի համայնքապետարանի «Մանկապատանեկան մարզադպրոց»  համայնքային ոչ առևտրային կազմակերպության կանոնադրությունը։

3. Հաստատել Վաղարշապատի համայնքապետարանի «Մանկապատանեկան մարզադպրոց» համայնքային ոչ առևտրային կազմակերպության 2022թ. աշխատակիցների  քանակը, հաստիքացուցակները  և   պաշտոնային  դրույքաչափերը՝  համաձայն  հավելվածի:

4.Սույն որոշումն ուժի մեջ է մտնում ընդունման պահից: