Այսօր: Կիրակի, 9 Օգոստոսի 2020թ.
Էջմիածնի քաղաքապետարանի պաշտոնական կայք
Հյուրերի քանակը՝ 2
ԷՋՄԻԱԾՆԻ ՀԱՄԱՅՆՔԱՊԵՏԱՐԱՆ
ԻՐԱԴԱՐՁՈՒԹՅՈՒՆՆԵՐ
ՀԱՐՑՈՒՄ

ՆՈՐՈՒԹՅՈՒՆՆԵՐ
04.08.20 Սպանդարյան եւ Կամո փողոցները հիմնանորոգվում են
Սպանդարյան եւ Կամո փողոցներում մեկանարկել են հիմնանորոգման աշխատանքները:Հիշեցնենք, որ հիմնանորոգումն իրականացվում է ՀՀ համայնքների տնտեսական եւ սոցիալական ենթակառուցվածքների զարգացմանն ուղղված 2020 թվականի սուբվենցիոն ծրագրի շրջանակում:Սպանդարյան եւ Կամո փողոցների ասֆալտբետոնե ծածկի հիմնանորոգման ընդհանուր բյուջեն կկազմի 305 մլն 885 հազ. դրամ, որից ՀՀ պետական բյուջեից տրամադրվող սուբվենցիայի չափաբաժինը 45% է` 137 մլն 648.25 հազ. դրամ, իսկ համայնքի մասնակցությունը` 55%` 168 մլն 236.75 հազ. դրամ:Ծրագրում ներառված Սպանդարյան փողոցի ասֆալտապատվող հատվածի մակերեսը 9680 քմ է, իսկ Կամո փողոցինը` 9456 քմ: Փոխարինվող եզրաքարերի երկարությունն էլ 2828 մ է, իսկ անձրեւաջրերի հեռացման հեղեղատար կոյուղունը` ... Մանրամասն
30.07.20 Մասնակի ասֆալտապատման, փոսալցման եւ փոսանորոգման աշխատանքներ Էջմիածնում

Էջմիածնում ընթացքի մեջ են փողոցների ու բակային տարածքների մասնակի ասֆալտապատման, փոսալցման եւ փոսանորոգման աշխատանքները: Առաջիկա օրերին մասնակի ասֆալտապատման աշխատանքները կմեկնարկեն Զվարթնոց թաղամասում:

27.07.20 Ճանապարհների հարթեցման աշխատանքներ՝ Արամ Մանուկյան 1 թաղամասում

Արամ Մանուկյան 1 թաղամասում ընթացքի մեջ են կենտրոնական ճանապարհների հարթեցման աշխատանքները՝ գրեյդեր ճանապարհաշինական մեքենայի միջոցով: Գրեյդերով հարթեցման աշխատանքներ նախատեսված են նաեւ Զվարթնոց եւ Չարենց թաղամասերի հողապատ փողոցներում:

26.06.20 Աշխատանքային շրջայց ծայրամասային այգիներում

Քաղաքապետ Դիանա Գասպարյանը` տեղակալի, օգնականի եւ խորհրդականի ուղեկցությամբ աշխատանքային շրջայց է կատարել քաղաքի այգիներում, քննարկել դրանց բարեկարգմանն ուղղված հնարավոր ծրագրեր:

Մասնավորապես, քննարկվել է քաղաքի ծայրամասային հանգստյան գոտիների ճեմուղիների հիմնանորոգման, նստարանների ու զրուցարանների բարեկարգման, խոտածածկ տարածքներում ոռոգման համակարգի կառուցման, արտաքին լուսավորության համալրման ու արդիականացման եւ այգիներում գտնվող խաղահրապարակների բարեկարգմանն ուղղված հարցեր:
Շրջայցի ընթացքում քաղաքապետը նաեւ զրուցել է բնակիչների ու անցորդների հետ՝ հորդորելով պահպանել համավարակի տարածման կանխարգելման անվտանգության կանոնները եւ բժշկական դիմակներ բաժանել առանց դիմակի անցորդներին:

22.06.20 Էջմիածնի համայնքապետարանը 700 հազարական ՀՀ դրամ գումար է հատկացրել Վաղարշապատի հիվանդանոցին եւ Էջմիածին բժշկական կենտրոնին

Համավարակի այս դժվարին օրերին բուժաշխատողները շարունակում են անձնվիրաբար աշխատել եւ փրկել կյանքեր` վտանգելով սեփական կյանքը:
Բուժաշխատողի օրվան ընդառաջ Էջմիածնի համայնքապետարանը` ի նշան երախտագիտության եւ ի զորակցություն Էջմիածնի բուժաշխատողներին, 700 հազարական ՀՀ դրամ գումար է հատկացրել «Վաղարշապատի հիվանդանոց» ՓԲԸ-ին եւ «Էջմիածին բժշկական կենտրոն» ՓԲԸ-ին:
Քաղաքապետ Դիանա Գասպարյանի այս առաջարկը համայնքի ավագանին ընդունել է վերջին` հունիսի 17-ին կայացած նիստում:
«Վաղարշապատի հիվանդանոց» ՓԲԸ-ն` տնօրենի հայեցողությամբ, հատկացված գումարով պարգեւատրել է 11 բուժաշխատողի, իսկ Էջմիածին բժշկական կենտրոնը գերադասել է հատկացված գումարով ձեռք բերել բժշկական ախտահանիչ սարք:

21.06.20 Էջմիածին համայնքի ղեկավար Դիանա Գասպարյանի շնորհավորական ուղերձը բուժաշխատողի օրվա առթիվ

Այսօր բուժաշխատողի օրն է.
Վերջին մի քանի ամիսները բոլորիս ստիպեցին առավել քան երբեւէ հասկանալու բուժաշխատողի մասնագիտության կարեւորությունը, արժեւորելու նրանց վաստակը։
Դժվար է գտնել մի մասնագիտություն, որը համազոր կարեւոր կլինի բժշկի մասնագիտությանը, կպահանջի շուրջօրյա ու ամենժամյա նվիրում ու եռանդ։ Այն ջանքը, որ գործադրում են մեր բժիշիկները ցանկացած բարդ իրադրությունում, արժանի է դրվատանքի ու խոնարհման։
Մենք մեր հերթին անում ենք ամեն հնարավորը՝ նրանց աշխատանքին նպաստելու ու աջակցելու համար։
Շնորհակալ ենք մեր բոլոր բուժաշխատողներին, շնորհավորում ենք մասնագիտական օրվա առթիվ եւ մաղթում անսպառ ուժ։

Հարգանքներով՝ քաղաքապետ Դիանա Գասպարյան

1 2 3 4 5 6 7 8 9 10 ...


Բոլորը
ԱՎԱԳԱՆՈՒ ՆԻՍՏԵՐ
Էջմիածին համայն ավագանու նիստ - 24.07.2018
ավագանու արտահերթ նիստ (29.06.2018)
Էջմիածին քաղաքի ավագանու նիստ 10.04.18
Էջմիածին քաղաքի ավագանու նիստ 14.02.2018
ՄԵՐ ԿՈՆՏԱԿՏՆԵՐԸ
ՄԻԱՑԵՔ ՄԵԶ
ՀՂՈՒՄՆԵՐ
ՀՀ, ք.Էջմիածին, Մաշտոցի 0

(0231)53663 /224 կամ 121/

echmun@ejmiatsin.am

Պաշտոնական էլ. փոստ` @e-citizen.am
(միայն www.e-citizen.am համակարգով ծանուցումների համար)



© 2008 - 2020 Հեղինակային իրավունքները պաշտպանված են
ԷՋՄԻԱԾՆԻ ՀԱՄԱՅՆՔԱՊԵՏԱՐԱՆ
Մշակող   ՏՀԶՎԿ ՀԿ
Համայնքային կառավարման տեղեկատվական համակարգ 2.04
ԲԿԳ Մրցանակ 2015 - OGP Award 2015
2015 Regional Winner