Ղեկավարվելով «Գնումների մասին» Հայաստանի Հանրապետության օրենքի (այսուհետ՝ Օրենք) 6-րդ հոդվածի 2-րդ մասով սահմանված պահանջներով, ուսումնասիրելով ՀՀ ԱՄՎՀ ԲՏ ԳՀԱՊՁԲ 24/7 ծածկագրով գնման ընթացակարգի Գնահատող հանձնաժողովի «19» ապրիլի 2024 թ․ կազմված ԱՐՁԱՆԱԳՐՈՒԹՅՈՒՆ N 4-ով ընդունված որոշմամբ «Հակոբ Սոսյան» ԱՁ-ին գնումների գործընթացին մասնակցելու իրավունք չունեցող մասնակիցների ցուցակում ներառելու նպատակով ներկայացված հիմքերը, պարզեցի հետևյալը.

1. Գնահատող հանձնաժողովի ներկայացրած փաստերը և պահանջը.

ՀՀ ԱՄՎՀ ԲՏ ԳՀԱՊՁԲ 24/7 ծածկագրով գնման ընթացակարգի Գնահատող հանձնաժողովը Պատվիրատուի ղեկավարին է ներկայացրել «19» ապրիլի 2024 թ. կազմված ԱՐՁԱՆԱԳՐՈՒԹՅՈՒՆ N 4-ը, որով հայտնել է հետևյալը.

Վաղարշապատի համայնքապետարանի «Բարեկարգում տնօրինություն» ԲՀ-ի կարիքների համար 2024 թվականի մարտի 26-ին հայտարարված Ընթացակարգի 1 – 3-րդ չափաբաժինների մասով մասնակցության հայտ է ներկայացրել նաև «Հակոբ Սոսյան» ԱՁ-ն, որի հայտը գնահատվել է բավարար և ճանաչվել է ընտրված մասնակից (ընտրված մասնակցին որոշելու համար կիրառված չափանիշ՝ բավարար գնահատված հայտ և ամենացածր գին, «02» ապրիլի 2024 թ. ԱՐՁԱՆԱԳՐՈՒԹՅՈՒՆ N 2)։

Օրենքի 10-րդ հոդվածի 1-ին մասի համաձայն` Պատվիրատուն տեղեկագրում «03» ապրիլի 2024 թ. հրապարակել է հայտարարություն պայմանագիր կնքելու որոշման մասին և անգործության ժամկետ սահմանել 2024 թվականի ապրիլի 4-ից 13-ը ներառյալ ընկած ժամանակահատվածը։

Օրենքի 36-րդ հոդվածի 2-րդ մասի համաձայն` անգործության ժամկետը լրանալուն հաջորդող չորրորդ աշխատանքային օրը («18» ապրիլի 2024 թ.) Պատվիրատուն ծանուցել է ընտրված մասնակցին` ներկայացնելով պայմանագիր կնքելու առաջարկը և պայմանագրի նախագիծը:

2024 թվականի ապրիլի 18-ին ստացվել է «Հակոբ Սոսյան» ԱՁ-ի գրությունն առ այն, որ ընկերությունը հրաժարվում է կնքել ՀՀ ԱՄՎՀ ԲՏ ԳՀԱՊՁԲ 24/7 ծածկագրով պայմանագիրը։

Հիմք ընդունելով վերոգրյալը՝ Գնահատող հանձնաժողովը «19» ապրիլի 2024 թ. որոշում է ընդունել «Հակոբ Սոսյան» ԱՁ-ի հայտը գնահատել անբավարար և մերժել, ինչպես նաև ղեկավարվելով «Գնումների մասին» ՀՀ օրենքի 6-րդ հոդվածի 1-ին մասի 6-րդ կետի բ) ենթակետի պահանջներով, առաջարկել է դիմել ՀՀ ֆինանսների նախարարությանը՝ «Հակոբ Սոսյան» ԱՁ-ին գնումների գործընթացին մասնակցելու իրավունք չունեցող մասնակիցների ցուցակում ներառելու նպատակով։

Ելնելով վերոգրյալից և ղեկավարվեով «Գնումների մասին» Հայաստանի Հանրապետության օրենքի 6-րդ հոդվածի 1-ին մասի 6-րդ կետի բ) ենթակետի և նույն հոդվածի 2-րդ մասով, «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի առաջին մասի 24-րդ կետի, 57-րդ հոդվածի 2-րդ մասի պահանջներով.

Ո Ր Ո Շ ՈՒ Մ Ե Մ

1. ՀՀ ԱՄՎՀ ԲՏ ԳՀԱՊՁԲ 24/7 ծածկագրով գնման ընթացակարգի Գնահատող հանձնաժողովի կողմից ներկայացված հիմքերը՝ «Հակոբ Սոսյան» ԱՁ-ին գնումների գործընթացին մասնակցելու իրավունք չունեցող մասնակիցների ցուցակում ներառելու համար, գնահատել բավարար։

2. «Հակոբ Սոսյան» ԱՁ-ի տվյալները համապատասխան հիմքերով ներկայացնել լիազորված մարմին՝ ՀՀ ֆինանսների նախարարություն, «Հակոբ Սոսյան» ԱՁ-ին գնումների գործընթացին մասնակցելու իրավունք չունեցող մասնակիցների ցուցակում ներառելու նպատակով՝ համաձայն հավելվածի։

3. Սույն որոշումն ուժի մեջ է մտնում կայացման օրվա հաջորդող օրվանից։