«Պատանի առաջնորդների դպրոց»-ը Էջմիածին քաղաքում հիմնադրվել է 2022թ․ հունիսին` «ԴիասպորԱրմ» ՀԿ-ի կողմից։ Այն կազմակերպում է առաջնորդության զարգացման վեցամսյա դասընթացներ Արմավիրի մարզի 14 տարեկան և բարձր պատանիների համար՝ նպատակ ունենալով՝

• Նպաստել ՀՀ-ում բարեկիրթ, մրցունակ, իրազեկ եւ հայրենասեր քաղաքացիների ձեւավորմանը և նրանց ներգրավմանը համայնքային կյանքում,
• Ձեւավորել սոցիալական կապիտալի եւ փոխօգնության հարթակ,
• Պատանիներին փոխանցել արժեքների, հմտությունների եւ գիտելիքի ամուր պաշար, որոնք անհրաժեշտ են կայուն զարգացման համար։

«ԴիասպորԱրմ»-ի գործունեությունը համահայկական է․ այն զբաղվում է սփյուռքի հայկական կազմակերպությունների եւ տարբեր ոլորտների հայ մասնագետների տվյալների հավաքագրմամբ, ինչպես նաև կամրջող օղակ է հանդիսանում նմանատիպ գործունեությամբ զբաղվող կազմակերպությունների միջև՝ նպաստելով ռեսուրսների ավելի արդյունավետ օգտագործմանը։

Կազմակերպության աշխատանքը կենտրոնացած է հատկապես համայնքային և կրթական ոլորտների վրա։

Հասցե՝ Սբ․ Մ․ Մաշտոց 14/82   
Հեռ․՝ 033 565989

Ղեկավար՝ Անի Հովհաննիսյան

Դիտեք էջը Ֆեյսբուքում՝
https://www.facebook.com/Young.Leaders.Echmiatsin?locale=ru_RU

Վաղարշապատի երիտասարդական միությունը համախմբում է համայնքի 16-26 տարեկան ակտիվ երիտասարդներին։ Միությունը հիմնվել է համայնքի նախաձեռնությամբ՝ նպատակ ունենալով ՏԻՄ-ի համար լսելի դարձնելու երիտասարդների խնդիրները, լսելու նրանց առաջարկություններն ու դիտարկումները, ինչպես նաև՝ նպաստել իրավագիտակից քաղաքացիների ձևավորմանը։

Երիտասարդական միությունը սեփական նախաձեռնությամբ կազամակերպում է կրթական, մշակութային և ժամանցային միջոցառումներ, մասնակցում երիտասարադական տարբեր ծրագրերի, կատարում կամավորական աշխատանք, կազմակերպում հանդիպում-քննարկումներ։

Համակարգող՝  Կարինե Արսենյան

Դիտեք էջը Ֆեյսբուքում՝
https://www.facebook.com/VagharshapatYouth?locale=ru_RU